Қостанай жоғары медициналық колледжіне ҚР-ның Парламент Мәжілісінің депутаты келді
Басты -> Жаңалықтар -> Қостанай жоғары медициналық колледжіне ҚР-ның Парламент Мәжілісінің депутаты келді
27 тамызда жаңа оқу жылының қарсаңында Қостанай жоғары медициналық колледжіне Қазақстан Республикасының Парламент Мәжілісінің депутаты, қоғам қайраткері, тележүргізуші Платонов Артур Станиславович келді.
Кездесу барысында Платонов А. білім беру ұйымының жұмыс жүйесімен, оқу кабинеттерімен, зертханалармен және Аймақтық симуляциялық орталығымен танысып, жұмыс орнындағы оқытушылармен әңгімелесті. Сонымен қатар колледждің мұражайында болып, колледж тарихына ұқыпты қарағандары үшін түлектер мен оқытушыларға алғыс білдіріп, мұражайда сақталған әдебиеттер мен тарихи экспонаттардың құнды екендігін атап кетті.
Колледж бойынша экскурсиядан кейін Артур Платонов оқытушылармен кездесіп, реформаларды жүргізу кезеңінде болашақ медициналық мамандарды дайындаудың өзекті сұрақтарын, сонымен қатар әлеуметтік және саясаттық сұрақтарды емін-еркін талқылады.
Жалпы Мәжіліс депутаты Платонов А. колледж басшысына, оқытушыларға еселі еңбектері үшін алғыс айтты. Колледждің ұжымына, материалдық-техникалық базасына және медициналық білім беру жүйесін жаңарту саласындағы мемлекеттік саясатты жүзеге асыру ісіндегі колледждің жетістіктеріне жоғары баға берді.